Warning: include(http://www.egyptcities.info/banner_commercials.php) [function.include]: failed to open stream: HTTP request failed! HTTP/1.1 403 Forbidden in /home/ocity/public_html/citizen/wp-content/themes/Cliprz/single.php on line 6

Warning: include() [function.include]: Failed opening 'http://www.egyptcities.info/banner_commercials.php' for inclusion (include_path='.:/opt/php53/lib/php') in /home/ocity/public_html/citizen/wp-content/themes/Cliprz/single.php on line 6

مدونة آراء ومقترحات

talk-iconهنا يمكنك أن تكتب عن آرائك ومقترحاتك فى كل ما يخص شئون المدينة

 

فى هذه المدونة سوف ننشر كل فكرة جادة لتطوير المدينة ليتعرف عليها سكان المدينة ويساهم فى تحقيقها ، فدعونا نتشارك ونتفاعل لصالح مدينتنا ، وسوف ننشر كذلك تعليقاتك أو آرائك فيما يجرى تنفيذه .

7 التعليقات في “مدونة آراء ومقترحات”

  1. علي قال:

    لو سمحت هو ليه العربيات السوزوكي مبتشتغلش على محور الكفراوي من الحصري للسادس بدل العربيات البوكس اللي تحس إنها بتاعة نقل بهايم من بني آدمين

  2. elkzaz قال:

    أولا نشكر سيادتكم على موقع الاقتراحات هذا ولكن هل يستجيب أحد لنا ؟ لا أعلم
    المشكل’ فى كل شىء
    أولا :- المواصلات .. أكتوبر دون المدن الجديدة كلها ليس لها ولا مينى باص ولا أتوبيس من أى مكان فى مصر ذى مثلا الشيخ زايد وهى أقرب مدينة لنا يوجد بها مواصلات هيئة مستمرة إلى جميع الأماكن
    ونحن دائما نخضع لسواقين الميكروباص منهم من يسغل الظروف بزياده الاجره ومنهم من يستغلها أن ينهى خط سيره بنهاية المحور نازل والحصرى راجع فتجد نفسك تدفع الأجرة مرتين وياسلام لو أنت ساكن فى حى بعيد عن المواصلات ومعاك ثلاث أو أربع أولاد مثلى تجد نفسك بتدفع مثلا على الفرد الواحد من أكتوبر إلى رمسيس والعوده حوالى 10 جنيه أين الرحمه ياناس سيبين البلد فى أيد بلطجيه يتحكموا فى الناس ذى ماهما عايزين واللى مش عاجبه ميركبش
    ثانيا :- رغيف العيش …….. المدينة الوحيدة التى لا تعرف فيها طريق فرن تجيب منه عيش ولازم تشترك فى الكشك الخاص بذلك مش مشكلة الفلوس اللى بندفعها زياده ولكن المهم يا أخوانى أن العيش يجى فى ميعاده وعلى الأقل يتاكل وكمان قال ايه شالوا يوم الجمعة من الحسابات ومفيش عيش يوم الجمعة هيا المعدة خدت أجازه اليوم ده ، ده أكتر يوم البيت يحتاج فيه عيش أكتر

    الرجاء يا أخوانى لا أريد أن أطول أكثر من كده بس هى دى الحاجة المهمة التى نرجوا من سيادتكم ان تهتموا بها شويه المواصلات ولقمه العيش وسيبك شويه من استغلال محلات الأكل وعيادات الدكاتره التى مش عارف ان كانت دكاتره ولا حاجه تانيه المهم يا أخى كل مسئول يجى يمسك المدينة معرفش ايه اللى بيحصله المهم ان البلد تفضل زى ماهيه ولا جديد تحت الشمس

  3. ناصر قال:

    في الوقت الذي نسعي للحفاظ علي مياه الشرب
    الرجاء الاهتمام بموضوع مياه الشرب التي تهدر في ري الجناين بالمدينة
    ولازالت الارض جرداء كأنها لم تسقي بالمياه من قبل
    ياريت نشوف حاجة غير مياه الشرب وعلي حد علمي ان مصر عايمة علي مياه جوفية

  4. عمار يا مصر قال:

    هى البلد دية لازم تخنقنا عشان نحس اننا عايشين فيها
    مدينة زى 6 اكتوبر للشباب والشباب فيها لازم يكون مليونير
    عشان يسكن ويركب عربية عشان لو مش كده اية هيحصل
    الفيومية هيكلواا يعنى مش عارفين نعمل وسيلة مواصلات ادمية
    بدل عربات نقل مخلافات الزراعة ونرجع نقول اغتصاب وتحرش وبلاء ازرق
    محدش من بتوع القنوات الفضائية الى لازم يروح مدينة الانتاج الاعلامى فكر مرة
    يجى يصور الناس على العربيات محدش فكر يجى يشوف شكل العربية ولا السواق
    بيقوالو انهم بيدفعوا للمحافظ طب احنا كمان ممكن ندفع بس يجيبلنا مواصلات عدلة
    ويرحمنا من الحرب الى كل يوم عند الحصرى
    بدل تغيير الاسفلت كل شوية والرصيف الملعون الى كل شوية يغيروه

  5. مصرى قال:

    مهم جدا إيجاد حل بديل للعربات النصف النقل فهى غير مخصصة لنقل ركاب … كذلك الاهتمام بتوفير خط مترو يربط مدينة 6 اكتوبر بشبكة مترو الأنفاق لحل أزمة المرور فى المحور .
    أيضاً … توفير دوريات الشرطة خصوصاً فى المشروعات الجديدة لبث الآمان والإطمئنان ..

  6. أنور مجدى قال:

    أقتراح توفير مواصلات داخل المدينة تخدم أحياء المدينة بالكامل تملكها شركات ، بدلا من العربة النصف نقل البكس التى بها مسامير تمزق الملابس ، والتى توقع بالنساء وكبار السن قبل دخولها ، والتى يقودها أطفال يسوقون السيارة وكأنهم يحملون بها بهائم وليس بشراً ، والتى بها سلم قد ينكسر عند أحد المطبات مما قد يتسبب فى سقوط من يقف عليه. وشكراً

  7. محمد حليم قال:

    مش عارف ليه مشاكل كتيره اوى فى البلد دى ملهاش حل نفسى اعرف السبب مثلا:- مشكلة الروبابيكيا فى الحى 12 الزحام على العيش البلدى المشى فى الاتجاه المعاكس المخالفات فى المبانى بتحويل الشقق الى محلات وغيرها الكثير والغريب فى الموضوع ان الحلول روتينيه وليست جذريه هل معنى ذلك ان المراقبون على هذه المخالفات هم نفسهم المخالفون مثل اصحاب الميكروباصات معظمهم من ضباط المرور ولذلك فلن تحل مشكلة تخطى السرعه او عدم لبس حزام الامان فلو ان هناك من يستفيد من كل هذه الفوضى فلن تحل اى مشكله ولو بحثنا فى اوراقنا القديمه من 20 او30 سنة لوجدنا اننا نعانى من نفس المشاكل هل نحن ننفخ فى قربه مقطوعه
    كنت اسير على طريق المحور يوما ما فوجدت عامل النظافه يرفع التراب من على الاسفلت ليضعه على حافة الرصيف فاقتربت منه وقلت له أليس من الافضل ازاحة التراب بعيدا على الرصيف فرد قائلا وانا هشتغل ايه بكره الى هذا الحد من التردى واهدار المال والوقت والجهد وهذه السلبيه هل الحل ان يكون هناك جهه رقابيه على المسؤلين حتى لو تم ذلك هل سياتى وقت ونحتاج جهه تراقب الجهه التى تراقب المسؤلين حد يدلنى على الحل ارجوكم لانى مش عاوز اسيب البلد وامشى زى كتير من الناس اللى هاجرو ووجدو الحلول دى فى بلاد ثانيه واذا كان الحل هو الضرب بالحديد على يد المخالفين فلماذا لاينقذ اخبرنى صديق لى ان هناك رئيس دوله افريقيه كانت تعانى من فوضى فى المرور اصدر قرارا باعدام من يكسر اشارة مرور طبعا حكم قاسى جدا ولكن ماهى النتيجه اعدم واحد فقط علنا امام الناس وبعدها اصبحت هذه الدوله من اكثر الدول تنظيما للمرور يبدو ان هذا هو الحل الوحيد لكل مشاكلنا بشرط ان يطبق على الناس كافه ولا اقصد الاعدام ولكن عقوبات قاسيه ارجوكم شاركونى بالراى فى هذا الموضوع وشكرا

اترك تعليق


Warning: include(http://www.egyptcities.info/banner_commercials.php) [function.include]: failed to open stream: HTTP request failed! HTTP/1.1 403 Forbidden in /home/ocity/public_html/citizen/wp-content/themes/Cliprz/single.php on line 62

Warning: include() [function.include]: Failed opening 'http://www.egyptcities.info/banner_commercials.php' for inclusion (include_path='.:/opt/php53/lib/php') in /home/ocity/public_html/citizen/wp-content/themes/Cliprz/single.php on line 62